«МЕН – МЕЙІРГЕРМІН» ФОТОЗОНАСЫ
Көпбейінді облыстық ауруханада Халықаралық мейіргерлер күні аясында ұйымдастырылған апталық барысында «Мен – мейіргермін» фотозонасы өтті.
Іс-шараның басты мақсаты – мейіргер мамандығының маңыздылығын дәріптеу, олардың күнделікті еңбегіне құрмет көрсету және ұжым арасында жағымды атмосфера қалыптастыру болды.
Фотозонаға қатысқан мейіргерлер өз мамандықтарына деген мақтаныштарын білдіріп, естелікке суретке түсіп, көтеріңкі көңіл-күй сыйлады.
Мейіргер – бұл тек мамандық емес, бұл – мейірім мен жанашырлықтың, жауапкершілік пен кәсібиліктің айқын көрінісі.
