ХИРУРГИЯ САЛАСЫНЫҢ МАЙТАЛМАНЫ АБДУЛЛА СЫЗДЫҚҰЛЫ ШҮЛЕНБАЕВ

Адам өмірі мен денсаулығын сақтауды өмірлік мұрат еткен дәрігер мамандығы – ең қадірлі де жауапты кәсіптердің бірі. Осы абыройлы жолда ұзақ жылдар бойы аянбай еңбек етіп, денсаулық сақтау саласының дамуына өлшеусіз үлес қосып келе жатқан білікті хирург, тәжірибелі басшы әрі өз ісінің нағыз маманы – Шуленбаев Абдулла Сыздықұлы.

Тұтас ғұмырын медицина саласына арнаған Абдулла Сыздықұлының кәсіби тәжірибесі мен адамгершілік қасиеттері әріптестері мен халық арасында зор құрметке ие. Оның көпжылдық еңбегі мен адал қызметі кейінгі буын дәрігерлеріне үлгі болып келеді.

Жоғары санатты хирург-дәрігер, облыстың бас хирургы Абдулла Сыздықұлының денсаулық сақтау саласындағы еңбек өтілі: 53 жыл

Білікті дәрігер ғылыми-зерттеу жұмыстарымен де айналысып, 30-дан астам ғылыми мақаланың авторы атанды.

Денсаулық сақтау саласындағы еңбегі жоғары бағаланып, «Денсаулық сақтау ісінің үздігі» төсбелгісімен, «Шапағат» медалімен, «Алтын дәрігер» медалімен және көптеген мемлекеттік марапаттармен наградталған.

Қазақстан Республикасының Президенті Қасым-Жомарт Тоқаевтың қолынан «Үздік дәрігер» марапатын алған.

Соңғы тоғыз жылда 1000-нан астам лапароскопиялық ота жасап, мол тәжірибесін жас хирург мамандарға үйретіп келеді. Бүгінде оның шәкірттері облыс пен аудандардағы хирургиялық бөлімшелерге жетекшілік етуде.

Абдулла Сыздықұлы – денсаулық сақтау саласында ұзақ жылдар бойы табанды еңбек етіп, мыңдаған науқастың сауығуына үлес қосқан білікті дәрігер, тәжірибелі ұйымдастырушы және өз ісінің шебері. Оның кәсібилігі, жауапкершілігі мен адамгершілік қасиеттері әріптестері мен халық арасында зор құрметке ие.

Құрметті Абдулла Сыздықұлы!

Сізді Медицина қызметкерлері күнімен шын жүректен құттықтаймыз! Адам денсаулығын сақтау жолындағы ерен еңбегіңіз бен көпжылдық тәжірибеңіз үшін зор алғысымызды білдіреміз. Сізге мықты денсаулық, ұзақ ғұмыр, отбасыңызға амандық, бақ-береке және еңбегіңіздің жемісін көре беруіңізді тілейміз. Ел игілігі жолындағы абыройлы қызметіңіз әрдайым жемісті болсын!