Облыс әкімінің қолдауымен, Денсаулық сақтау басқармасының бұйрығына сәйкес, Көпбейінді облыстық аурухананың бір топ дәрігерлері «AimaEco» серіктестігінің ұйымдастыруымен Беларусь мемлекеті Минск қаласында біліктілік арттыру оқуына қатысты.

Қалдыбаев Алмат Талғатұлы – анестезиология-реанимация бөлімшесінің анестезиолог-реаниматолог дәрігері. Ол Минск қалалық хирургия, транспланталогия және гематология ғылыми-практикалық орталығының клиникалық базасында «Интенсивная терапия критических состоянии» тақырыбы бойынша білімін жетілдірді.

Темирбаев Асқар Жанатұлы – компьютерлік томография және магнитті резонансты томография бөлімшесінің меңгерушісі. Асқар Жанатұлы Минск қалалық хирургия, транспланталогия және гематология ғылыми-практикалық орталығының клиникалық базасында «Лучевая диагностика КТ, МРТ брюшной полости» тақырыбы бойынша тәжірибе алмасты.

Алмухамбетова Құралай Мирамбекқызы – кеңес беру-диагностика бөлімшесінің ультра дыбыстық зерттеу дәрігері. Құралай Мирамбекқызы да аталған клиникада «УЗИ диагностика брюшной полости» тақырыбы бойынша білім алды.

Нейрохирургия бөлімшесінің нейрохирург дәрігері Абдукаликов Алмас Исаұлы - Республикалық неврология және нейрохирургия ғылыми практикалық орталығының базасында «Нейрохирургиядағы жаңа технологиялар» тақырыбы бойынша жаңашылдықтарды меңгерді.

Дәрігерлердің біліктілігін арттыру шаралары алдағы уақытта да жалғасын табатын болады.