Жүрек-қан тамырлары аурулары – қазіргі таңдағы өзекті медициналық мәселелердің бірі. Жүрек қызметін қалпына келтіру және науқастардың өмір сүру сапасын арттыру мақсатында көпбейінді облыстық ауруханасында арнайы кардиореабилитация бөлімшесі жұмыс істейді. Бөлімше білікті мамандардың жетекшілігімен жүрек-қан тамырлары жүйесіндегі операциялардан кейінгі науқастарды оңалтудың маңызды орталығы болып табылады.

Бөлімше меңгерушісі: Қадірбаев Абдрахман Аманкелдіұлы

Қуаттылығы: 25 төсектік орын.

Қызмет көрсету ауқымы: Қызылорда қаласы мен облыстың аудан тұрғындары.

Бөлімшеге жатқызылатын негізгі санаттар:

Жүректің ишемиялық ауруымен ауыратын науқастар (стенттеуден кейінгі жағдайлар, миокард инфарктісі).

Жүрек ырғағын басқаратын құрылғылары бар (ЭКС) науқастар.

Кардиохирургиялық операциялардан кейінгі жағдайлар (АКШ, жүрек қақпақшаларын протездеу, ЖЖА).

Диагностика және емдеу мүмкіндіктері:

Бөлімшеде заманауи медициналық талаптарға сай емдеу және диагностика жүргізіледі. Күрделі жағдайларда тиісті сала мамандарымен тығыз байланыста жұмыс істейді.

Зерттеу әдістері:

ЭКГ және қан қысымын тәуліктік мониторингтеу.

Велоэргометриялық сынама (жүктемелік сынама).

Эхокардиография (ЭХО КГ).

Науқастарға қолайлы жағдай жасау мақсатында бөлімше жеке дәретханасы мен себезгісі бар 1, 2 және 3 кісілік палаталармен жабдықталған.

Кардиореабилитация – пациенттердің жүрек-қан тамырлары ауруларынан кейін тезірек қалпына келуіне және қоғамға толыққанды өмір сүруге оралуына бағытталған кәсіби бөлімше.

Басты мақсат – заманауи технологиялар мен білікті дәрігерлік көмектің арқасында әрбір науқастың денсаулығын жақсартып, асқынулардың алдын алу болып табылады.