Госпиталдық фармация бөлімше меңгерушісі Кальманова Айман Баймұханқызы. Госпиталдық фармация бөлімі – стационарлық көмек көрсететін медициналық ұйымның маңызды құрылымдық бөлімшесі. Бөлімнің негізгі мақсаты – пациенттерді дәрілік заттармен және медициналық бұйымдармен уақтылы, сапалы әрі қауіпсіз қамтамасыз ету, сондай-ақ олардың қозғалысын толық бақылау.

Бөлімшенің негізгі міндеттері:

Дәрілік заттар мен медициналық бұйымдардың қоймаға түскен сәтінен бастап пациентке берілгенге дейінгі қозғалысының ашықтығын қамтамасыз ету;

Әрбір дәрілік зат пен медициналық бұйымды пациентке дербестендіріп беру мақсатында жеке QR-кодпен таңбалау;

Дәрілік заттар мен медициналық бұйымдарды пәндік-сандық есепке алу және талапқа сай сақтау;

Дәрігерлерді дәрілік препараттар туралы өзекті ақпаратпен қамтамасыз ету;

Пациенттердің сапалы ем алуына қажетті дәрілік қамтамасыз етуді ұйымдастыру.

Медициналық көмектің үздіксіз көрсетілуін қамтамасыз ету мақсатында госпиталдық фармация бөлімі тәулік бойы жұмыс істейді. Бұл – бөлімшенің кез келген уақытта дәрілік заттар мен медициналық бұйымдарды үздіксіз жеткізуге дайын екенін білдіреді.

Госпиталдық фармация бөлімі – қауіпсіз, тиімді және сапалы емнің маңызды буыны. Пациенттердің денсаулығы жолындағы жауапты еңбегі үшін бөлім ұжымына алғысымызды білдіреміз!