Бөлімше меңгерушісі: Съезд Оралұлы Қасымов. Бірінші санатты невропатолог-реабилитолог.

№2 Қалпына келтіру бөлімшесі 2020 жылғы 1 сәуірден бастап 40 төсек-орынмен жұмыс істеп келеді. Бөлімше реабилитациялық көмекті кеңейту мақсатында ашылған.

Бөлімшеде келесі санаттағы науқастарға оңалту көмегі көрсетіледі:

Инсульттен кейінгі жартылай салдану жағдайлары;

Жамбас-сан сүйектері мен тізе буындарын эндопротездеу операциясынан кейінгі науқастар;

Нейрохирургиялық операциялардан кейінгі бас миы, омыртқа бағанасы және жұлын аурулары бар науқастар.

Көрсеткіштерге сәйкес әртүрлі физиотерапиялық ем түрлері қолданылады:

Омыртқа бағанасына компрессиялық рукав қолдану;

Бас миы қан тамырлары ауруларында мексидолмен электрофорез жүргізу;

Парафинмен емдеу;

Имитатор ходьбы құрылғысы;

Вертикализатор;

Марутака аппараты;

Артромот аппараты;

Магнитотерапия құрылғылары.

Сонымен қатар, омыртқа жотасы ауруларына арналған сумен емдеудің бірнеше түрі кеңінен қолданылады.

Бөлімшеде физиотерапиялық емнен бөлек, қосымша:

Кинезотерапия;

Логопедиялық көмек;

Психологиялық қолдау қызметтері ұйымдастырылған.

Арнайы кабинеттерде мамандар көрсеткіш бойынша науқастармен жүйелі түрде жұмыс жүргізіп, олардың денсаулығын қалпына келтіруге бағытталған кешенді оңалту шараларын жүзеге асырады.

№2 Қалпына келтіру бөлімшесі өз қызметінде заманауи оңалту технологияларын пайдалана отырып, әрбір науқастың денсаулығын жақсартуға және өмір сапасын арттыруға бағытталған жұмыстарды жүйелі түрде жүргізуде. Білікті мамандардың кәсіби көмегі мен кешенді емдеу шаралары науқастардың сауығу процесін жеделдетіп, олардың қоғамға белсенді түрде қайта бейімделуіне мүмкіндік береді.